“Челси” бир асрдан ошиқ вақт бунақа шарманда бўлмаганди

“Челси” Англия чемпионатида 114 йил ичида илк бор кетма-кет бешта ўйинда мағлуб бўлиб, бирорта ҳам гол ура олмади.

21 апрель куни Лондон жамоаси сафар учрашувида “Брайтон”га 0:3 ҳисобида ютқазди.

34-тур доирасидаги ушбу ўйинда Кадиоглу 3-дақиқада ҳисобни очди, Хиншелвуд 56-дақиқада устунликни оширди, Уэлбек эса 90+1-дақиқада учинчи голни киритди.

Бундан аввал “Челси” футболчилари “Манчестер Юнайтед”га 0:1, “Манчестер Сити”га 0:3, “Эвертон”га 0:3 ва “Ньюкасл”га 0:1 ҳисобида мағлуб бўлган эди.

34 та ўйиндан сўнг жамоа 48 очко билан 7-ўринда бормоқда.

Келаси турда “Челси” 4 май куни “Ноттингем Форест”га қарши ўйнайди. Ушбу баҳс Лондондаги “Стэмфорд Бридж” стадионида бўлиб ўтади.