"Челси" 80 миллионга харид қилган футболчисини арзимаган суммага "Арсенал"га сотяпти
- 25-июн 2025, 15:46
- Ali Ahmadxo’jayev
- 0
- Футбол
Испаниялик дарвозабон Кепа Арризабалага Англиянинг "Арсенал" клубига ўтди. Бу ҳақда журналист Фабрицио Романо Х ижтимоий тармоғида маълум қилди.
"Испаниялик посбоннинг "Арсенал"га Давид Райянинг янги ўринбосари сифатида ўтиши бўйича келишув имзоланди.
"Арсенал" "Челси"га 5 миллион фунт тўлайди, барча ҳужжатлар имзоланди. Артета учун Мартин Субимендидан кейин яна бир қўшимча," - деб ёзди Романо.
2024/2025 мавсумда 30 ёшли Кепа Аррисабалага "Борнмут"да ижара асосида ўйнади. Унинг ҳисобида Англия Премьер-лигасида 31 та ўйин бор. Шунингдек, у Англия кубогида тўртта ўйин ўтказди. Transfermarkt портали дарвозабоннинг нархини 10 млн еврога баҳоламоқда.
Эслатиб ўтамиз, "Челси" 2018/2019 йилги мавсумда Кепани "Атлетик"дан 80 миллион еврога сотиб олган эди.