"Челси" 33 йилдан бери кузатилмаган антирекордни қайд этди

Лондоннинг "Челси" клуби АПЛ 35-турининг сўнгги ўйин кунида "Ноттингем Форест"га 1:3 ҳисобида мағлуб бўлди. Бу натижа жамоа учун кетма-кет олтинчи мағлубиятга айланди.

Ғалабасиз серияси "Ньюкасл"га қарши ўйиндан бошланган эди. Кейин "Эвертон", "Манчестер Сити", "Манчестер Юнайтед", "Брайтон" ва энди "Ноттингем Форест"дан мағлубиятлар қайд этилди.

Маълум бўлишича, "Челси" Англия олий дивизионида бунчалик омадсиз серияни сўнгги бор 1993 йилда бошдан кечирган. Ўшанда ҳам жамоа кетма-кет олтита ўйинда ютқазган ва мавсумни турнир жадвалида фақат 14-ўринда якунлаган эди.