Чавандозларимиз яна 2 та олтин медалга эга чиқишди

Тошкентда ўтаётган конкур бўйича халқаро мусобақаларда Ўзбекистон терма жамоаси яна 2 та олтин медалга сазовор бўлди.

Жаҳон кубогининг саралаш босқичи беллашувларида Хуршидбек Алимжонов (“Чампионс Леагуе” лақабли отида) 145 см баландликдаги тўсиқлардан сакраш дастурида, Анна Сигидина (“Элис Г”) эса Осиё кубоги босқичида 115 смда кечган баҳсларда энг юқори натижа билан олтин медалга сазовор бўлишди.