Бундеслигадаги истеъдод “Арсенал” ва “Челси”ни менсимади

Бундеслига ўртамиёна клубларидан “Айнтрахт”нинг маҳоратли ҳимоячиси Натаниэль Браун яқин вақт ичида мамлакатнинг етакчи жамоаси “Бавария” футболчисига айланади.

BILD нашри маълумотига кўра, 23 ёшли футболчи ҳеч қачон ўзига жиддий қизиқиш билдирган “Арсенал” ва “Челси”га ўтиш вариантини кўриб чиқмаган. У бошиданоқ фақат “Бавария”га ўтишни хоҳлаган.

Англия грандлари уни ўз сафига қўшиб олиш мумкинлигига ишонган бўлса-да, Брауннинг ягона танлови Мюнхен клуби бўлган.

Мюнхен суперклуби мутасаддилари “Айнтрахт” билан футболчининг 55 миллион евро эвазига трансфери бўйича келишувга эришган. Яқин кунларда Браун 2031 йилгача мўлжалланган шартнома имзолаши кутилмоқда.

Ўтган мавсумда у барча мусобақаларда 42 та ўйинда қатнашиб, 4 та гол урди ва 6 та голли узатма берди.