Бундеслигада янги юлдуз кашф қилинди
- 5-июн, 08:45
- Zohir Toshxo’jayev
- 0
- Футбол
Истеъдодли футболчи Йохан Манзамби ушбу мавсумда “Фрайбург”нинг энг ёрқин кашфиётларидан бирига айланди ва энди унинг келажаги атрофидаги муҳокамалар тобора кучаймоқда.
20 ёшли футболчи мавсум давомида барқарор ва ишончли ўйинлари билан нафақат мухлислар, балки Европанинг бир қатор клублари эътиборини ҳам тортди. Айниқса, унинг техникаси, тезкор қарор қабул қилиши ва ҳужумдаги ҳаракатлари юқори баҳоланмоқда.
“Фрайбург” Европа лигаси финалигача етиб борган мавсумда Манзамби жамоанинг муҳим футболчиларидан бири сифатида ўзини кўрсатди. Гарчи жамоа финалда “Астон Вилла”га ютқазган бўлса-да, футболчининг ўйинлари кўпчиликда катта таассурот қолдирди.
Келажаги ҳақида гапирган Манзамби ҳозирча диққатини фақат ривожланиш ва ўйинини янада кучайтиришга қаратаётганини айтди. Шу билан бирга, у “Фрайбург”да ўзига берилган ишончни юқори баҳолашини ҳам таъкидлади.
Ҳозир бир нечта клуб футболчининг вазиятини кузатаётгани ваёзги трансфер ойнасида Манзамби атрофида жиддий кураш бўлиши мумкинлиги айтилмоқда.