Бундеслигада пешқадам ўзгарди

Германия Бундеслигасининг 2026/2027 йилги мавсуми 4-туридан ўрин олган «Штутгарт» ва Дортмунднинг «Боруссия» клуби ўртасидаги учрашув меҳмонларнинг минимал ҳисобдаги ғалабаси билан якунланди.

Жамоалар Штутгартдаги «МХП-Арена» стадионида баҳс олиб борди. Учрашувни гамбурглик бош ҳакам Тобиас Штилер бошқарди.

Учрашувнинг 70-дақиқасида дортмундликлар ҳужумчиси Максимилиан Байер ярим ҳимоячи Жоб Беллингемнинг голли узатмасидан сўнг ҳисобни очди.

Тўртта учрашувдан сўнг «Боруссия» максимал 12 очко жамғариб, Германия чемпионати турнир жадвалида биринчи ўринни эгаллаб турибди. 10 очко билан «Бавария» ва «Фрайбург» ундан кейинги ўринларда бормоқда. Дортмундликлар 9 октябрь, жума куни бошланадиган навбатдаги турга қадар биринчи ўринни аниқ сақлаб қолади.

«Штутгарт» эса уч очко билан 14-ўринда бормоқда.