Бунақаси кетмайди! “Ливерпуль” ПСЖ билан бирдан музокарани тўхтатди
- 16-август, 11:35
- Zohir Toshxo’jayev
- 0
- Футбол
“Ливерпуль” раҳбарияти франциялик ҳужумчи Брэдли Барколанинг трансфери бўйича ПСЖ билан ҳал қилувчи паллага кираётган музокараларни тўхтатишга қарор қилди.
Париж клуби 23 ёшли вингер трансфери учун 145 миллион фунт стерлинг (169,6 миллион евро) талаб қилмоқда, аммо мерсисайдликлар бу нархни ошириб юборилган деб ҳисоблаяпти.
Бу ҳақда Get French Football News нашри L'Équipe журналистларига таяниб хабар бермоқда.
Манба маълумотига кўра, Баркола ҳамон ПСЖ билан янги шартнома имзолашдан бош тортмоқда ва “Ливерпуль”га ўтишга қарши эмас.
“Қизиллар” француз футболчининг трансфери бўйича музокараларни қайта тиклашдан олдин трансфер ойнасининг сўнгги кунларини кутиш ниятида. “Ливерпуль” Париж жамоаси томонидан нарх пасайтирилишига умид қилмоқда.
Ўтган мавсумда Баркола барча мусобақаларда 49 та ўйинда иштирок этиб, 13 та гол урди ва еттита голли узатмани амалга оширди. Футболчининг клуб билан амалдаги меҳнат шартномаси 2028 йил ёзига қадар мўлжалланган. Transfermarkt портали маълумотига кўра, футболчининг бозор қиймати 90 млн еврога тенг.