Бунақаси бўлмаган! "Пахтакор" ўйинчиси Ўзбекистон Суперлигасини мундиал тарихига олиб кирди

Зайд Таҳсин — Ироқ миллий терма жамоаси ва Тошкентнинг "Пахтакор" клуби ҳимоячиси — расман Ўзбекистон Суперлигаси номини жаҳон футболи тарихи саҳифаларига ёздирди. 

25 ёшли футболчи АҚШдаги "Бостон Стэдиум" аренасида ўтаётган жаҳон чемпионатининг гуруҳ босқичи илк турида Норвегияга қарши учрашувда Ироқ терма жамоасининг асосий таркибида майдонга тушди. 

Шу тариқа, у Ўзбекистон чемпионатида тўп суриб турган ҳолда жаҳон чемпионати финал босқичи ўйинида қатнашган тарихдаги илк футболчига айланди. Бунга қадар Ўзбекистон Суперлигаси вакиллари мундиал ўйинларида майдонга тушмаган эди.

Ироқ терма жамоаси бош мураббийи Грэм Арнольд Тахсинга марказий ҳимояда ишонч билдирди. Ушбу чизиқда у дунёнинг энг кучли ҳужумчиларидан бири, "Манчестер Сити" форварди Эрлинг Холандга қарши ўйнади. 

Маълумки, Ироқ ва Норвегия "I" гуруҳидан ўрин олган. Ушбу квартетда аввалроқ Франция ва Сенегал терма жамоалари ўзаро тўқнаш келган, ўша баҳсда Килиан Мбаппе дубли ҳисобига европаликлар 3:1 ҳисобида ғалаба қозонган эди. 

Ўзбекистон терма жамоаси эса ўз тарихидаги илк ўйинини жаҳон чемпионатида 18 июнь куни Мехико шаҳридаги "Ацтека" стадионида Колумбияга қарши ўтказади.

Шунга қарамай, жаҳон чемпионатида тўп тепган миллий лигамизнинг биринчи вакили Ўзбекистон терма жамоаси аъзолари эмас, "Пахтакор"нинг ироқлик легионери Зайд Таҳсин бўлиб қолаверади. 

Ўзбекистон Колумбияга ютқазмасин!

Файзуллаев мундиалда порлаши кутилаётган иқтидорлар рейтингидан жой олди

Ўзбекистонни Колумбиянинг энг катта хавфидан огоҳлантиришди

Ҳусанов жаҳон чемпионати суперрейтингидан жой олди!

Ўзбекистон – Колумбия: 18 июндаги ўйинга башорат

Файзуллаев Роналду видео мурожаат йўллаганини тасдиқлади

Колумбия бош мураббийи Ўзбекистонга қарши ўйинга қандай тайёрланаётганини айтди