Бунақа пулга ишдан ҳайдалсанг ҳам алам қилмайди
- 28-май, 09:41
- Zohir Toshxo’jayev
- 0
- Футбол
“Милан” клуби раҳбарияти муваффақиятсиз мавсумдан кейин ишдан олинган бош мураббийи Массимилиано Аллегри, бош директор Жоржо Фурлани ва спорт директори Игли Тарега шартномани муддатидан олдин бекор қилгани учун 20 миллион евродан ортиқ маблағ тўлайди, деб хабар бермоқда La Gazzetta dello Sport.
Фурлани 2028 йилгача амал қиладиган шартномаси бўйича бонусларни ҳисобга олганда тахминан 10 миллион евро ишлаб олиши керак эди. 2027 йилгача тузилган шартномага эга бўлган Аллегри 9 миллион евро, Таре эса тахминан 3 миллион евро олиши лозим.
Таъкидланишича, ушбу суммалар якуний эмас ва клуб ишдан бўшатилган мутахассислар билан музокаралар орқали уларни камайтиришга эришиши мумкин.
Аввалроқ, “Милан” келаси мавсум учун Чемпионлар лигасига чиқа олмаганидан кейин Массимилиано Аллегри, спорт директори ва бош директор ишдан бўшатилганини маълум қилганди.
Италия чемпионатининг 38 та ўйинидан кейин “Милан” 70 очко жамғариб, бешинчи ўринни эгаллади.