Бугун "Манчестер Сити" ўйнайди

Англия Премьер-лигасининг 26-тур баҳслари бугун давом эттирилади.

Кеча туманли албионда мазкур турнинг 4та беллашув бўлиб ўтганди. Бугун эса яна 5та ўйин ўтказилади. Шак-шубҳасиз "Манчестер Сити" "Фулхэм" учрашуви куннинг марказий баҳси деб қаралади. Кетма-кет 10та учрашувдан буён "шаҳарликлар"нинг асосий таркибидан жой олиб келаётган Абдуқодир Ҳусанов катта эҳтимол билан бугунги беллашувни ҳам бошланғич таркибда бошласа керак. Ҳар ҳолда Пеп Гвардиола интервьюсида шунга шама қилганди. "Манчестер Сити" учун мазкур ўйиндаги ғалаба сув ва ҳаводек зарур. Сабаби агар жамоа очко йўқотса пешқадам "Арсенал" билан орадаги фарқ йириклашиб кетиши мумкин.

Учрашув Тошкент вақти билан соат 00:30да старт олади.

Бундан ташқари бугунги ўйинлар жадвали билан танишинг

"Астон Вилла" - "Брайтон"   00:30

"Кристал Пэлас" - "Бёрнли"   00:30

"Ноттингем Форест" - "Вулверхэмптон"   00:30

"Сандерланд" - "Ливерпуль"   01:15