Бу нимаси? "Барселона" Испания ҳакамларига катта маблағ тўлаб келгани айтилмоқда

"Барселона" клуби катта можарога аралашиб қолди.

Гап шундаки, каталонияликлар 2016-2018 йиллар оралиғида Хосе Мария Энрике Негрейрага тегишли компанияга умумий ҳисобда 1,4 миллион евро тўлаб берган. Ўша вақтда Хосе Мария Испания ҳакамлар қўмитаси вице-президенти лавозимида фаолият олиб борган.

Айни пайтда ҳуқуқ-тартибот идоралари томонидан солиққа тортиш бўйича аниқланган қоидабузарликлар юзасидан тергов ҳаракатлари олиб борилмоқда. Бу ҳақда "Cadena SER" нашри хабар тарқатди.

"Кўк-анорранглилар" 2016-2018" йиллар оралиғида икки бор Ла Лига ғолиблигини қўлга киритган. Ўша вақтда клуб президенти Жозеп Бартомеу эди.