Бруну Фернандеш — энг яхши футболчи деб топилди

"Манчестер Юнайтед" ярим ҳимоячиси Бруну Фернандеш жамоа мухлислари овоз беришида ғолиб чиқиб, 2024/25 йилги мавсумда клубнинг энг яхши футболчиси деб топилди.

Португалиялик футболчи ушбу совринни тўртинчи марта қўлга киритди ва Криштиану Роналду ҳамда Давид Де Хеа билан тенглашди — бу клуб тарихидаги рекорд кўрсаткич ҳисобланади.

Жорий мавсумда Фернандеш барча мусобақаларда 54 та ўйинда майдонга тушиб, 19 та гол ва 19 та голли пас билан жамоасига катта ҳисса қўшди.