Бруну Фернандеш йил футболчиси совринидан кейин мухлисларга мурожаат қилди

"Манчестер Юнайтед" ярим ҳимоячиси Бруну Фернандеш Англия Премьер лигасининг энг яхши футболчиси деб топилганидан кейин жамоа мухлисларига мурожаат қилди.

"Бу менинг совриним эмас. Бу — сизники. Бу — бизнинг соврин.

Бу барча футболчилар, мураббийлар штаби ва клуб билан боғлиқ бўлган инсонлардан — ҳар куни бизга мухлислик қилган сизларга аталади.

Сизнинг меҳрингиз ва қўллаб-қувватловингиз учун миннатдормиз", — деб ёзди португалиялик футболчи.