Breaking! Мессини жаҳон чемпионатидан сўнг Олимпиадага ҳам жалб қилишяпти

Аргентина терма жамоаси ва "Интер Майами" клуби футболчиси Лионель Месси бу йил Париж шаҳрида бўлиб ўтадиган Олимпиада ўйинларида иштирок этиши мумкин. Аргентина U-23 терма жамоаси бош мураббийи бу ҳақда гапириб ўтди. 

"Барча менинг Лео билан қандай муносабатда эканимни яхши билади. У каби футболчи учун олимпия термамиз эшиги доимо очиқ. Ҳаммаси унинг ўзига боғлиқ, қарорни Мессининг ўзи қабул қилади ва биз уни ҳурмат қиламиз", - деди аргентиналик собиқ футболчи ва ҳозирда Аргентина термасига бош мураббийлик қилаётган Маскерано. 

Эслатиб ўтамиз, Олимпиада ўйинлари 26 июлдан 11 августга қадар бўлиб ўтади.