O‘zbekistonning Apache batonchigi nufuzli xalqaro Superior Taste Award mukofotida ikki yulduzni qo‘lga kiritdi

Mustaqil tatib ko‘rish natijalariga ko‘ra, Apache batonchigi ikki yulduzga sazovor bo‘lib, yuqori sifat, ta’m darajasi va xalqaro standartlarga muvofiqligini tasdiqladi.

Deya uchun bu mukofot muhim yutuq va butun jamoaning mehnatini e’tirof etish hisoblanadi. Xalqaro baholash O‘zbekistonda ishlab chiqarilgan mahsulotlar xorijiy brendlar bilan muvaffaqiyatli raqobatlasha olishini va jahon ekspertlari tomonidan e’tirof etilishini tasdiqlaydi.

Superior Taste Award mukofotini qo‘lga kiritish nafaqat Deya kompaniyasi, balki mahalliy qandolatchilik sanoati uchun ham muhim voqea bo‘lib, o‘zbek ishlab chiqaruvchilarining xalqaro maydonda o‘sib borayotgan salohiyatini namoyish etdi.

Deya kompaniyasi haqida:

Deya - o‘zbek qandolatchilik fabrikasi bo‘lib, shirinliklarning keng assortimentini ishlab chiqaradi va o‘z brendlarini, jumladan mashhur Apache batonchigini rivojlantiradi.