Бразилия терма жамоаси афсонаси: "Европа футболига ортиқча баҳо беришади"

Бразилиялик собиқ футболчи Зико ҳозирда АҚШда бўлиб ўтаётган 2025 йилги Клублар ўртасидаги жаҳон чемпионатида Европа жамоаларининг иштироки ҳақида фикр билдирди.

"Европа футболи ҳаддан ташқари мақталмоқда. Бунга барҳам бериш керак. Футбол фақат Европага тегишли эмас. Улар бирор нарсада муваффақиятсизликка учраса, дарров баҳоналар бошланади. Улар қийин шароитда ўйнашга мослашишмаган. Ишлар юришмаса, дарҳол иссиқ об-ҳаво, чарчоқ ва бошқа нарсалардан шикоят қилишади", — дея Зиконинг сўзларини келтирди Globo нашри.

Эслатиб ўтамиз, Клублар ўртасидаги жаҳон чемпионати 14 июндан 13 июлгача АҚШда ўтказилмоқда.