“Брайтон” манчестерликларни “йиғлатиб” кетди

Англия лигаси кубогининг 2026/2027 йилги мавсуми 1/16 финалидан ўрин олган “Манчестер Юнайтед” ва “Брайтон энд Хоув Альбион” ўртасидаги учрашув кутилмаган натижа билан якунланди.

Баҳс Манчестердаги “Олд Траффорд” стадионида бўлиб ўтди ва унда меҳмонлар 3:2 ҳисобида ғалаба қозонди.

Учрашув мезбонлар учун муваффақиятли бошланган эди. 8-дақиқада ҳужумчи Ши Лэйси ҳисобни очди. Атиги икки дақиқадан кейин манчестерликларнинг устунлигини ярим ҳимоячи Мэйсон Маунт икки карра оширди.

45+1-дақиқада «Брайтон” ҳужумчиси Харалампос Костулас ҳисобдаги фарқни битта голга қисқартирди. 65-дақиқада Паскаль Грос ҳисобни тенглаштирди. 69-дақиқада меҳмонлар жамоаси ярим ҳимоячиси Максим Де Кёйпер ғалаба голини урди.

Шу тариқа, “Брайтон” Англия Лига кубогининг кейинги босқичига йўл олди, “Манчестер Юнайтед” эса мусобақани тарк этди.