"Боруссия Дортмунд" камбэк қилиб, "Гамбург"ни мағлуб этди

Бундеслиганинг 27-турида Дортмунднинг "Боруссия" жамоаси "Гамбург" устидан иродали ғалабага эришди — 3:2.

Дастлаб меҳмонлар устунлик қилди. Биринчи бўлимда Филип Отеле ҳамда Альбер Самби-Локонганинг голлари "Гамбург"га 2:0 ҳисобидаги устунликни тақдим этди.

Иккинчи бўлимда эса дортмундликлар ҳақиқий камбэк намойиш қилди. 73-дақиқадан бошлаб Рами Бенсебайни икки бор пенальтидан аниқ зарба йўллаб, ҳисобни тенглаштирди.

Ўйиннинг ҳал қилувчи голини эса Серу Гирасси урди ва "Боруссия"га муҳим ғалабани тақдим этди.