Бокс. Катталар ўртасида Ўзбекистон чемпионатида жами неча нафар боксчи иштирок этиши маълум

Бокс бўйича 2026 йилги катталар ўртасида Ўзбекистон чемпионатининг бу сафарги мавсумида 278 нафар чарм қўлқоп устаси иштирок этадиган бўлди. Улардан 198 таси эркаклар, қолган 80 таси аёллардан иборат. 

Жанглар пайшанба куни (15 январь) соат 11:00 дан старт олади. Мусобақа Олимпия шаҳарчасининг Яккакураш залида ўтказилиши белгиланган.

Мухлислар учун кириш мутлақо бепул. Бу ҳақда Ўзбекистон бокс федерацияси хабар бермоқда.