Бокс. Жаҳон кубогини ғалаба билан бошладик!

Хабарингиз бор, 1 дан 5 апрелгача Бразилияда бокс бўйича Жаҳон кубоги мусобақаси бўлиб ўтади. Илк кунда 3 нафар чарм қўлқоп усталаримиз рингга кўтарилиши режалаштирилган эди.

Ҳозиргина -55 кг да Миразизбек Мирзаҳалилов ва Швеция вакили Небил Ибраҳим жанги якунланди. Ҳамюртимизнинг катта устунлигида ўтган баҳс натижада ҳам ўз исботини топди. Тўлиқ давом этган тўқнашувда Мирзаҳалилов ҳакамларнинг якдил қарори билан ғалаба қозонди.

Маълумот учун, олдинда бизни Иқболжон Холдаров ва Дамиан Дуркач (Польша) қарама-қаршилиги кутмоқда. Ушбу жанг тахминан, 03:45 да (Ўзбекистон вақти билан) старт олади.