Боб Арум:"Жошуанинг эртаги тугади"

"Top Rank" раҳбари Боб Арум Энтони Жошуанинг Даниэль Дюбуадан учралган мағлубятидан сўнг чемпионлик пойгасига қайта олмаслигини айтди.

"Ўша куни Жошуанинг шунчаки омади келмади, десам янглишган бўламан. У омадсиз кунда ҳам бундай ютқазмаслиги керак эди. Ўйлашимча, бунга Энтонининг ёши сабаб бўлди. Боксчида аввалгидек куч йўқ. Менимча, унинг эртаги тугади", - деди Арум "Fight Hub TV" га берган интервьюсида.

Эслатиб ўтамиз, 21 октябрь куни Лондонда ўтказилган катта бокс оқшомида Даниэль Дюбуа Энтони Жошуани 5-раундда нокаутга учратди..