Бизни кутманглар! Месси энди “Интер Майами”га ёрдам беролмайди
- 21-июл, 19:38
- Zohir Toshxo’jayev
- 1
- Футбол
Аргентина миллий терма жамоаси футболчилари Лионель Месси ҳамда Родриго Де Пауль MLS мунтазам чемпионатининг бир нечта учрашувларини ўтказиб юборади ва маълум муддат “Интер Майами”га ёрдам бера олмайди.
Бу ҳақда ESPN хабар берди.
Шимолий Америка MLS чемпионати 2026 йилги жаҳон чемпионати муносабати билан берилган танаффусдан сўнг қайта бошланди.
“Интер Майами” 22 июль куни ўз майдонида “Чикаго Файр”ни қабул қилади, 25 июль куни эса меҳмонда “Монреаль”га қарши баҳс олиб боради.
Манба маълумотига кўра, Аргентина терма жамоасининг ҳар икки футболчиси куч тўплаш учун танаффус олади ва мазкур учрашувларда иштирок этмайди.
Шунингдек, улар 29 июль куни бўлиб ўтадиган MLS юлдузлари учрашувида ҳам қатнашмаслиги мумкин.
Аргентина терма жамоаси 2026 йилги жаҳон чемпионатида финалгача етиб борди ва ҳал қилувчи баҳсда Испанияга 0:1 ҳисобида мағлуб бўлди.
39 ёшли Лионель Месси турнирда жамоанинг энг яхши тўпурари бўлиб, саккизта ўйинда 8 та гол ва 4 та голли узатма амалга оширди. 32 ёшли Родриго Де Пауль эса еттита учрашувда майдонга тушиб, битта голли узатма муаллифи бўлди.