Бизни 2026 йилда супер тўқнашувлар кутмоқда!

Александр Усик даври секин-аста якунланаётган бўлса-да, оғир вазн тоифасида қизиқарли жанлар тугагани йўқ. Украина вакили чемпионлик камарларини бўш қолдиргани ортидан йил охиригача бир йўла тўртта жаҳон чемпионилик жанги ўтказилиши мумкин. Энг яқин жанг 29 август куни Лондонда бўлиб ўтади. Мазкур оқшомда Филип Хргович (20–1, 15 КО) ва Мозес Итаума (14–0, 12 КО) IBF чемпионлиги учун рингга кўтарилади. Бу жуфтликда ғолиб чиққан боксчи декабрь ойида Фрэнк Санчес(26–1, 19 КО)га қарши мажбурий ҳимояини ўтказиши керак. Шу тариқа, фақатгина IBF нинг ўзида йил охиригача камида иккита чемпионлик жанги кафолатланмоқда.

Даниэль Дюбуа (23–3, 22 КО) ва Фабио Уордли (20–1–1, 19 КО) ўртасидаги реванш эса режалаштирилганидан олдинроқ ўтиши мумкин. Ҳозирча таклиф этилаётган сана — 17 октябрь. WBO камари учун илк баҳс аллақачон "Йил жанги" унвонига жиддий даъвогар сифатида тилга олиняпти.

Промоутер Эдди Хирн WBA чемпиони Мурат Гассиев (34–2, 27 КО) ва Жаррелл Миллер (28–1–2, 22 КО) ўртасида музокаралар олиб бораётганини тасдиқлади. Агар келишувга эришилса, бу тўқнашув жорий йил оғир вазндаги тўртинчи жаҳон чемпионлик жангига айланиши мумкин.

WBC камари ҳозирча мағлубиятсиз одимлаётган Агит Кабайел (27–0, 19 КО) қўлида. Унинг кейинги режалари ҳали очиқланмаган. Бироқ Эдди Хирннинг таъкидлашича, агар Миллер Гассиевни мағлуб этса, WBA ва WBC камарларини бирлаштириш бўйича Кабайел билан жангни қисқа фурсат ичида ташкил этиш имкони пайдо бўлади.