Бизга ўт, буёғига фақат пул учун ўйнайсан!
- 7-октябр 2025, 06:52
- Zohir Toshxo’jayev
- 0
- Футбол
“Манчестер Юнайтед”нинг энг машҳур ўйинчиларидан бири Ҳарри Магуайр фаолиятини Саудия Арабистони чемпионатида давом эттириш имкониятига эга бўлди.
Daily Mirror нашрининг ёзишича, тажрибали ҳимоячига “Ан-Наср” ва “Ал-Иттифоқ” жиддий қизиқиш билдирмоқда.
Таъкидлаш лозимки, Магуайр жаҳон футболи тарихида ҳамон энг қиммат ҳимоячи номини сақлаб турибди. 2019 йили “Манчестер Юнайтед” Ҳаррини олиш учун “Лестер Сити”га 80 миллион фунт тўлаган. Ҳозирча, бирор ҳимоячининг трансфери бу қадар қимматга тушмаган.
Аслида Магуайрнинг клуб билан шартномаси ўтган ёз якунланган эди. Бироқ клуб ўйинчи билан шартномани бир томонлама 12 ойга узайтириш опциясидан фойдаланиб, ҳимоячини таркибида олиб қолди.
Тажрибали ўйинчи январь ойидан бошлаб, бошқа клублар билан музокара ўтказиш ҳуқуқига эга бўлади. “Ан-Наср” ва “Ал-Иттифоқ” бу вазиятдан унумли фойдаланиб қолмоқчи.
32 ёшли футболчи Англия терма жамоасидаги ўрнини ҳам йўқотган. Келаси ёз жаҳон чемпионатига боришдан умид қилмаса ҳам бўлади. Энди Магуайрнинг олдида шайхлар таклифини қабул қилиб, фаолиятининг сўнгги босқичида мўмай пул ишлаб олиш имкони турибди.