Биринчи оғир вазнда "Zuffa Boxing" камари учун жанг белгиланди

Арманистонлик Ноэль Микаэлян (28-3, 12 КО) Дэвид Бенавидесга қарши жангдан воз кечиб, "Zuffa Boxing" билан шартнома имзолашни танлади ва эндиликда у Жей Опетая(30-0, 23 КО)га қарши рингга чиқади.

Австралиялик боксчи IBF камаридан маҳрум бўлганига қарамай, ҳали ҳам 90,7 кг вазн тоифасида энг кучли боксчи сифатида баҳоланмоқда. "Zuffa Boxing" ҳозирча жангчиларга яхши ҳақ тўлаётгани инобатга олинса, Микаэлян бу баҳс учун фаолиятидаги энг катта гонорарни олиши аниқ.

Опетая – Микаэлян жанги 12 сентябрь куни Лас-Вегас шаҳрида бўлиб ўтади. Мазкур оқшомдаги асосий тўқнашувда Райан Гарсия Конор Бенн билан баҳс олиб бориши режалаштирилган. Австралиялик ва арман ўртасидаги қарама-қаршилик биринчи оғир вазн тоифасида "Zuffa Boxing" камари учун ўтказилади.