Бир теннисчимиз нуфузли мусобақадан чиқиб кетди

Ўзбекистон шарафини ҳимоя қилаётган Мария Тимофеева теннис бўйича "Катта Дубулҳа" туркумига кирувчи АҚШ очиқ чемпионатининг иккинчи босқичида бельгиялик Элизе Мертенсга мағлуб бўлди. 

Учрашув Мертенс фойдасига 6:2, 7:5 ҳисобида якунланди. Кортдаги кураш 1 соат 48 дақиқа давом этди.

Элизе Мертенс эндиликда Наоми Осака (Япония) – Катерина Синякова (Чехия) жуфтлигидан ғолиб чиққан теннисчига қарши майдонга тушади. Мария Тимофеева эса якка разряд баҳсларини мусобақанинг иккинчи босқичидаёқ якунлади.

Тимофеева учун бу спорт фуқаролигини алмаштиргандан кейинги илк US Open турнири эди. Москвада туғилган теннисчи 2025 йил октябридан бошлаб расман Ўзбекистон терма жамоаси шарафини ҳимоя қила бошлаган.