Бир ўйинчининг жароҳати Манчестердаги бошқа юлдуз фаолиятига нуқта қўйди
- 30-июн, 07:55
- Zohir Toshxo’jayev
- 0
- Футбол
«Манчестер Юнайтед» ёзги трансфер ойнасида ярим ҳимоячи Мэйсон Маунтни сотиш бўйича «Милан»га расмий таклиф йўллади.
Milan Press нашри маълумотича, инглиз клуби 26 ёшли футболчи учун 25 миллион евро атрофидаги таклифни кўриб чиқишга тайёр. «Россонери» бош мураббийи Рубен Аморим эса Маунтни жамоага қўшиб олиш ғоясига олдиндан розилик билдирган.
«Манчестер Юнайтед» сўнгги ойларда ярим ҳимоя чизиғини жиддий равишда янгилашга киришган. «Аталанта» ярим ҳимоячиси Эдерсон Силва билан шартнома имзоланганидан сўнг клуб яна бир-икки футболчини олишни режалаштирмоқда. Бироқ бу учун аввал трансферлар ҳисобига маош ва бюджетни бўшатиш талаб этилади.
Дастлаб манкунианлар билан ҳимоячи Мануэль Угарте йўллари ажралиши кутилган эди. Аммо у жаҳон чемпионатида олган жиддий тизза жароҳати туфайли бу вариант деярли амалга ошмайдиган кўриниш олди. Шу боис клуб энди Маунтни трансфер рўйхатига қўйишга тайёр.
«Челси»дан келганидан бери Мэйсон Маунт тез-тез жароҳат олиб, майдонга барқарор туша олмади ва натижада Майкл Каррик бошқарувидаги жамоанинг асосий таркибидаги ўрнини йўқотди.