Биласизми? Кеча Каземирога фаолиятидаги биринчи қизил карточка кўрсатилди

Мадриднинг “Реал” клуби ярим ҳимоячиси Каземиро кеча “Вальядолид”га (4:1) қарши бўлиб ўтган Испания Ла Лигасининг 27-тур баҳсида ҳакам томонидан қизил карточка кўрсатилиб майдондан четлатилди.

Эътиборлиси, бу 27 ёшли бразилиялик футболчи учун профессионал фаолиятидаги биринчи қизил карточка бўлди.

Таъкидлаш керакки, Каземиро “Реал”га келгунича "Сан-Паулу" ва "Порту" клубларида ҳам тўп сурган. У бутун профессионал футболчилик фаолиятидаги давомида шу кунгача жами 341та ўйинда иштирок этган.