Бэйл: "Хабини ишдан бўшатилгани мени ҳайрон қолдирмади"

"Тоттенхэм", "Реал" ва Уэлс терма жамоаси собиқ футболчиси Гарет Бэйл "қаймоқранглилар" бош мураббийи Хаби Алонсонинг истеъфоси ҳақида фикр билдирди.

- Хаби? Мен ҳайрон эмасман. "Реал" қандай ишлашини биламан. Агар натижалар бўлмаса ва улар етарлича бўлмаса, сени ишдан бўшатишади, - дея Бейлнинг сўзларини келтиради Madrid Xtra Х ижтимоий тармоғида.

Испаниялик мутахассис "Реал"ни 2025 йилнинг ёзидан буён бошқариб келаётганди, бунгача у "Байер"да ишлаган. "Қаймоқранглилар" бош мураббийи лавозимини мадридликларнинг бошқа бир собиқ футболчиси Альваро Арбелоа эгаллади. Испания чемпионатида "Реал" турнир жадвалида иккинчи ўринда бормоқда. Мадридликлар ҳисобида 20 та учрашувда 48 очко мавжуд.