Бернарду Силванинг таклиф кўплигидан боши қотди
- 30-апрел, 07:58
- Zohir Toshxo’jayev
- 0
- Футбол
“Манчестер Сити” сардори Бернарду Силва клубини ўзгартиришга тайёргарлик кўрмоқда. Португалиялик футболчи жорий мавсум тугаши билан клубни тарк этишини маълум қилиб бўлган.
Ўзаро келишувга кўра, “Манчестер Сити” ўз етакчисига якунланаётган шартномани узайтириш таклифини бермайди.
Ҳозирги вақтда 31 ёшли футболчига Европанинг ўзидан бир неча клубдан, хусусан, “Ювентус”, “Барселона”, “Бенфика” ва “Галатасарой”дан чорлов бўляпти. Бундан ташқари, тажрибали плеймейкерга АПЛ клублари ҳам қизиқиш билдира бошлади.
La Gazzetta dello Sport маълумотига кўра, футболчининг ўзи Турин ёки Каталонияга кўчиш вариантларини афзал кўрмоқда.
“Барселона” португалиялик футболчига анчадан бери қизиқиш билдириб келади, “Ювентус” эса яқинда жиддий даъвогарга айланди. Манба таъкидлашича, туринликлар вакиллари Силванинг агенти Жорже Мендеш билан доимий алоқани ушлаб турибди.