Бернарду Силва туфайли икки футболчи “Барса”дан кетади
- 4-июн, 17:28
- Zohir Toshxo’jayev
- 0
- Футбол
“Манчестер Сити”даги узоқ йиллик фаолиятини якунлаган Бернарду Силванинг ўз орзусидаги жамоа – “Барселона”га ўтиши бир неча кунга чўзилиши мумкин.
Чунки Каталония суперклуби бош мураббийи Ханс-Дитер Флик португалиялик плеймейкер учун таркибда жой бўшатмоқчи. Бу ҳақда AS нашри хабар бермоқда.
Манба маълумотига кўра, каталонияликлар ярим ҳимоячи Марк Касадони сотиб юбориш ниятида. Футболчининг ўзи ҳам кўпроқ ўйин амалиётига эга бўлиш учун жамоани ўзгартиришга қарши эмас.
Шунингдек, “Барселона” қанот ҳужумчиси Руни Барджини ижарага бериш вариантини кўриб чиқмоқда. Вингерга бир нечта жамоалар қизиқиш билдирмоқда, аммо каталонияликлар унинг устидан назоратни йўқотишни истамаяпти.
Кутилишича, Бернарду Силва “Барселона” билан икки йиллик шартнома имзолайди. Шу билан бирга, ярим ҳимоячи Ла Лиганинг молиявий қоидаларига мос келиш учун маошини камайтиришга ҳам тайёр.