Бернарду Силва “Манчестер Сити”дан нега кетишга қарор қилганини айтди
- 24-май, 10:24
- Zohir Toshxo’jayev
- 0
- Футбол
“Манчестер Сити” сардори Бернарду Силва мавсум якунида жамоани тарк этиши сабабини очиқлади.
- Бизнинг авлод етарлича совринлар ютди, деб ҳис қиляпман. Шунингдек, ёш йигитлар учун ҳам ўз шон-шараф лаҳзаларини бошдан кечириш вақти келди, деб ўйлайман.
Шахсан ўзим учун эса, бу оиламга бироз яқинроқ бўлиш имкониятидир, - деди Бернарду Силва Манчестер клуби матбуот хизматига.
Эслатиб ўтамиз, Силва “Сити”да узоқ йиллик фаолиятининг тўққиз йилини ўтказди. У “Монако”дан ўтганидан кейин “шаҳарликлар” сафидан жой олган эди.
31 ёшли ҳужумкор футболчи аслида “Бенфика” тарбияланувчиси ҳисобланади. Силванинг клубдаги сўнгги мавсуми ва сардорлиги даврида “Сити” Англия кубоги ва Англия лигаси кубогини қўлга киритди.
Бернарду Манчестер клубида олти марта Англия чемпиони бўлди ва бир марта УЕФА Чемпионлар лигаси бош совринини қўлга киритди.