Бернарду Силва фаолиятини Ла Лиганинг гранд клубида давом эттирмоқчи

"Манчестер Сити" ҳужумкор ярим ҳимоячиси Бернарду Силва фаолиятини "Барселона"да давом эттиришни истамоқда. Бу ҳақда "El Chiringuito" хабар берди.

Манба маълумотига кўра, 31 ёшли португалиялик учун каталония клуби фаолиятини давом эттиришдаги асосий вариант ҳисобланади.

Аввалроқ Силва жорий мавсум якунланганидан кейин "Манчестер Сити"ни эркин агент сифатида тарк этишини маълум қилганди.

Ушбу мавсумда ярим ҳимоячи барча мусобақаларда 45 учрашувда майдонга тушиб, 3 та гол урди ва 5 та голли узатмани амалга оширди.

Шунингдек, футболчига "Ювентус" жиддий қизиқиш билдираётгани айтилган, аммо туринликлар унинг молиявий талабларини қондириш имконига эга эмас.