Бектемир Мелиқўзиевнинг менежерларидан бири: "Армандо Ресендис жамоаси Бектемир билан жанг қилиш ниятида эмас"

Аввалроқ, америкалик бокс юлдузи Теренс Кроуфорд фаолиятини якунлагач, ҳамюртимиз Бектемир Мелиқўзиев иккинчи ўрта вазнда WBА камари учун мажбурий даъвогарга айланганини маълум қилгандик. 

Шундан сўнг, бокс инсайдери Жалол Ахмедов телеграм каналида ҳамюртимиз ва мексикалик Армандо Ресендис ўртасидаги эҳтимолий жанг бўйича боксчимизнинг менежерларидан бири Алик Фроловдан бир қанча маълумот олганини хабар берди.

“Бектемир мажбурий даъвогар мақомига эришган бўлса-да, ҳозирча жанг бўйича ҳеч қандай келишув йўқ. Музокаралар олиб борилмоқда. Ресендис жамоаси Бектемир билан жанг қилиш ниятида эмас. Бироқ биз унга бошқа жангда иштирок этишига рухсат бермаймиз. Агар келишувга эришилмаса, ташкилот промоутерлик аукционини белгилайди”, — дея Фроловнинг сўзларини ёзиб қолдирган Ахмедов.