Бектемир Мелиқўзиев вазнида чемпионлик жанги бўлиб ўтди

Аргентиналик чарм қўлқоп устаси Лестер Мартинес Лос-Анжелесда ўтказилган бокс оқшомида хорватиялик Лука Плантични ўнинчи раундда техник нокаутга учратиб, иккинчи ўрта вазндаги вақтинчалик WBC чемпиони унвонини сақлаб қолди.

Ушбу баҳснинг деярли барча раундлари қаттиқ зарбалар алмашинуви билан кечди. Ҳал қилувчи бурилиш эса ўнинчи раунд бошида рўй берди: Мартинес рақибининг танасига чап томондан йўллаган кучли зарбаси билан нокдаунга туширди. Аммо Плантич туришга муваффақ бўлди.

Кейинроқ яна Мартинеснинг навбатдаги кучли ҳужумларидан сўнг рефери Рэй Корона жангни тўхтатиш ҳақида қарор чиқарди.

"Плантич жуда бақувват, чидамли боксчи эканини яхши билардик. У менга 70–80-йиллардаги ҳеч қачон таслим бўлмайдиган ўша қотма жангчиларни эслатади. Лукага қарши қўллай оладиган барча усулларимизни ишлатдик, у эса буларнинг барчасига дош берди. Бироқ якунда биз учун ҳаммаси ижобий тугади.

Кейинги мақсадимиз – Саул Альварес ва Кристиан Мбилли жанги ғолиби билан рингга чиқиш!", — деди жангдан сўнг Мартинеснинг мураббийи Брайан Макинтайр.

Эслатиб ўтамиз, WBC нинг иккинчи ўрта вазн тофиаси рейтингида ҳамюртимиз Бектемир Мелиқўзиев 6 ўринни эгаллаб турибди.