"Бавария" ПСЖ вингерини асосий трансфер мақсади сифатида кўрмоқда

Мюнхеннинг "Бавария" клуби ёзги трансфер ойнаси олдидан қанот ҳужумчиси харид қилишни режалаштирмоқда. Бу ҳақда журналист Флориан Плеттенберг хабар берди.

Манбага кўра, Германия чемпионининг асосий варианти — ПСЖ шарафини ҳимоя қилаётган франциялик вингер Брэдли Баркола ҳисобланади.

Шу билан бирга, "Бавария" раҳбарияти рўйхатида яна бир нечта футболчилар бор: Нико Уильямс ("Атлетик"), Рафаэл Леау ("Милан"), Коди Гакпо ("Ливерпуль") ва Каору Митома ("Брайтон").

Аввалроқ ОАВда Барколага "Барселона", "Ливерпуль" ва "Арсенал" клублари ҳам қизиқиш билдираётгани ҳақида хабарлар тарқалган эди.

Жорий мавсумда 23 ёшли ҳужумчи барча мусобақаларда 45 та ўйинда қатнашиб, 12 та гол ва 7 та ассист қайд этди. Унинг ПСЖ билан шартномаси 2028 йилга қадар амал қилади.