“Башакшеҳир” хўжайини Шомуродов трансфери бўйича муносабат билдирди
- 7-август, 10:59
- Zohir Toshxo’jayev
- 0
- Футбол
Туркия Суперлигасининг янги мавсуми олдидан юқори ўринлар учун курашишга бел боғлаган “Трабзонспор” клуби футбол жамоатчилиги эътибори марказида турибди.
Айниқса, трабзонликлар “Ливерпуль”даги фаолиятини якунлаган Муҳаммад Салоҳни ўз сафига қўшиб олгани кутилмаган юриш сифатида баҳоланмоқда. Мисрлик юлдуз олдида Европа, АҚШ ва Саудия Арабистонининг қудратли клубларидан таклифлар бор эди. Бироқ “Трабзонспор” мутасаддилари 34 ёшли тўпурарни ҳамкорликка кўндира олди.
Бироқ шов-шувли трансфердан кейин “Трабзонспор”нинг савдоси охирига етгани йўқ. Клуб ҳужумчи чизиғини кучайтириш учун кўп гол ура оладиган марказий ҳужумчи олишни мақсад қилган.
Бу борада турк матбуоти трабзонликлар Суперлиганинг ўтган мавсумида тўпурарлар пойгасида ғолиб чиққан “Истанбул Башакшеҳир” жамоаси форварди Элдор Шомуродовни кўзлаётгани ҳақида маълумот чиқарди.
Туркиядаги нуфузли манба – 61saat.com порталининг спорт директори Ҳасан Тюнжел ушбу масалага ойдинлик киритиш мақсадида “Башакшеҳир” клуби президенти Гўксел Гюмюшдағ билан бўтган суҳбати тафсилотларини келтириб ўтди.
- Элдор Шомуродов, албатта, жуда юқори савияли футболчи. Мен бу масала юзасидан “Башакшеҳир” президенти Гўксел Гюмюшдоғ билан шахсан суҳбатлашдим. Жаноб Гюмюшдоғнинг айтишича, “Трабзонспор” томонидан Шомуродов бўйича ҳозирча ҳеч қандай расмий мурожаат, учрашув сўрови ёки трансфер таклифи келиб тушмаган, - деди Ҳасан Тюнжел.
Аксарият манбалар “Трабзонспор” бош мураббийи Фотиҳ Текке ўз жамоаси ҳужум чизиғида ўтган чемпионатда 22 та гол урган Элдор Шомуродовни кўрмоқчи эканини тасдиқлаяпти. Уларга кўра, трабзонликлар айни пайтда ушбу трансферни амалга ошириш йўлларини қидирмоқда.
Хусусан, трансфер таклифлари орасида Шомуродов трансферига “Трабзонспор” ҳужум чиси Умут Найирни қўшиб бериш варианти ҳам ишланяпти.
Умуман олганда, 31 ёшли Шомуродовнинг жаҳон чемпионатидаги ўйинидан кейин унга Туркия, Саудия Арабистони ва Россия клубларидан қизиқиш бўлаётгани ҳақида маълумотлар тақатилган эди.
Баъзи манбалар “Башакшеҳир” клуб учун жами 5,8 миллион еврога тушган Элдор Шомуродов трансферидан мўмай даромад ишлаб олишни кўзлаётганини ва ана шу мақсадда ўзбек ҳужумчисини 15-20 миллион евро атрофида баҳолаётганини ёзмоқда.