Бартомеу: "Барселона"даги фаолиятимдан фахрланаман"
- 9-июн, 16:18
- Bilolbek Imomov
- 0
- Футбол
Хосеп Мария Бартомеу клубдаги президентлик даври ҳақида фикр билдирди.
"Барселона"нинг собиқ раҳбари ўз ишини юқори баҳолаб, танқидларга ҳам жавоб қайтарди.
"Кимдир мени клуб тарихидаги энг ёмон президент дейди — бу мени кулдиради. Менинг президентлик давримда жамоа 13 та титул ютди. Вице-президент сифатида яна 9 та, Лапорта даврида эса 1 та соврин қўлга киритилган. Жами 23 та соврин — бу билан фахрланиш мумкин", — деди Бартомеу.
Унинг таъкидлашича, молиявий натижалар ҳам мураккаб вазиятларга қарамасдан ижобий бўлган.
"Биз 110 миллион евро даромад қилдик, кейин пандемия сабаб 128 миллион евро йўқотдик. Танқид қилувчилар бошқа нарсаларни ҳисобга олмаяпти", — деди у.
Бартомеу шунингдек инфратузилма, академия ва клуб лойиҳаларини ҳам эсга олди.
"Йохан Кройфф аренаси, “Сьютат Эспортива”даги павильонлар ва "Espai Barça" лойиҳаси — барчаси шу даврда амалга оширилган. Албатта хатолар бўлган, лекин умумий баланс ижобий", — дея қўшимча қилди у.