"Барселона" "Ювентус" ҳужумчисини нишонга олди

"Ювентус" ҳужумчиси Душан Влахович фаолиятини Испанияда давом эттириши мумкин. "Fichajes" нашрининг хабар беришича, "Барселона" сербиялик футболчини таркибига қўшиб олмоқчи.

Каталония гранди агар Влахович "Ювентус" билан шартномасини узайтирмаса, ёзда уни эркин агент сифатида сотиб олиш ниятида. Душан 2022 йилда "Фиорентина"дан "Ювентус"га 85 миллион евро эвазига қўшилган эди. Унинг шартномаси 2026 йил 30 июнгача амал қилади.

Маълумот учун, Влахович жорий мавсумда "зебралар" сафида барча мусобақаларда 18 та ўйинда майдонга тушиб, олтита гол урди ва иккита голли узатма берди.