"Барселона" ёзда саккиз футболчи билан хайрлашиши мумкин

Каталониянинг "Барселона" жамоаси ёзги трансферлар ойнасида саккиз нафар футболчи билан хайрлашишга тайёр. Бу ҳақда "Diario Sport" нашри хабар тарқатди.

Маълумотларга кўра, клуб бу қарор орқали янги трансферларни амалга ошириш ва амалдаги футболчилар билан шартномаларни узайтириш ва молиялаштиришни кўзламоқда.

Рўйхатга қуйидаги футболчилар киритилган:

Френки де Йонг, Ансу Фати, Гави, Иньяки Пенья, Рональд Араухо, Эктор Форт, Фермин Лопес ва Пау Виктор.

Айни пайтда, "Барселона" Испания чемпионлигини муддатидан илгари таъминлаб олиши мумкин. Бугун, 15 май куни жамоа Ла Лиганинг 36-турида ўз майдонида "Эспаньол"ни қабул қилади.