"Барселона" ярим ҳимоячисига Европанинг бир қатор клублари қизиқиш билдирмоқда

"Барселона" ярим ҳимоячиси Марк Касадо ёзги трансферлар ойнаси олдидан Европа клубларининг диққат марказида бўлиб турибди.

"Mundo Deportivo" нашри маълумотига кўра, 22 ёшли испаниялик футболчига "Атлетико" қизиқиш билдирмоқда. Бироқ мадридликлар бош мураббийи Диего Симеоне ҳозирча ушбу трансферни маъқулламаган.

Шунингдек, Касадо фаолиятини "Манчестер Юнайтед" ёки "Байер"да давом эттириши ҳам мумкин. Ҳар икки клуб футболчининг вазиятини кузатиб бормоқда.

Аввалроқ Саудия Арабистонининг "Ал-Ҳилол" клуби ҳам ярим ҳимоячига қизиқиш билдираётгани ҳақида хабарлар тарқалган эди.

Футболчининг манфаатларини машҳур агент Жорже Мендеш ҳимоя қилади. Касадонинг "Барселона" билан амалдаги шартномаси 2028 йилнинг июнигача мўлжалланган.