“Барселона” Чемпионлар лигаси финалига мезбонлик қилиш учун ариза топширди

“Барселона” клуби 2029 йилги Чемпионлар лигаси финал учрашувини ўтказиш учун УЕФАга расмий ариза юборди.

Каталония клуби баёнотида айтилишича, ариза Барселона шаҳри маъмурияти, Каталония ҳукумати ва Испания Қироллик футбол федерацияси кўмагида топширилган.

УЕФА ушбу масала бўйича якуний қарорни жорий йил кузида қабул қилиши кутилмоқда.

Таъкидланишича, “Камп Ноу” стадионининг реконструкцияси 2027 йил ёзда якунланади. Янги арена 105 минг нафар томошабинни сиғдира олади.

Сўнгги марта “Камп Ноу” 1999 йилда Чемпионлар лигаси финалига мезбонлик қилган. Ўшанда “Манчестер Юнайтед” қўшимча дақиқаларда урилган икки гол эвазига “Бавария”ни 2:1 ҳисобида мағлуб этган эди.