"Барселона" бразилиялик 19 ёшли ҳимоячига қизиқмоқда

Бразилиянинг "Палмейрас" клуби ҳимоячиси Луис Бенедетти фаолиятини Испания чемпионатининг топ-клубида давом эттириши мумкин. Sport.es хабарига кўра, 19 ёшли футболчи Каталониянинг "Барселона" клуби қизиқишлари доирасига тушиб қолган. "Кўк-анорранглилар" футболчи атрофидаги вазиятни кузатиб бормоқда.

Бенедетти учун курашда Каталония грандининг рақобатчилари Италия чемпиони "Наполи" ва Лондоннинг "Арсенал" клублари экани айтилмоқда.

Жорий мавсумда ҳимоячи "Палмейрас"нинг тўққизта учрашувида қатнашиб, гол урмаган. Бундан ташқари, у ёшлар таркибида еттита ўйин ўтказиб, иккита гол урган.