“Барселона” битта шарт билан Ямални мундиалнинг 1-турида ўйнашига рухсат берди

"Барселона" Испания терма жамоаси ҳужумчиси Ламин Ямалнинг 2026 йилги жаҳон чемпионати гуруҳ босқичининг 1-турида Кабо-Вердега қарши ўйинда (15 июнь) иштирок этишини маъқуллади. Миллий терма жамоадаги вингернинг ҳолатини "блауграна"нинг штатдан ташқари физиотерапевти Фернандо Галан кузатиб бормоқда. Бу ҳақда АС хабар бермоқда.

Эслатиб ўтамиз, 18 ёшли футболчи "Фурия Роха"га чап оёғи сон мушаги жароҳати билан келган эди.

Манба маълумотига кўра, "Барселона" Ямални аста-секин майдонга қайтаришни тавсия қилмоқда. Ҳужумчи дастлабки дақиқалардан бошлаб Кабо-Вердега қарши ўйинда иштирок этмайди. "Барселона" футболчининг сўнгги 15 дақиқада майдонга тушишини маъқуллайди.