"Барселона" Бастони трансфери бўйича янгиликларни режалаштирмоқда

"Интер" ҳимоячиси Алессандро Бастонининг "Барселона"га ўтиши мумкинлиги ҳақида янги маълумотлар пайдо бўлди.

Инсайдер Фабрицио Романо хабар беришича, ҳозирча бу трансфер бўйича ҳеч қандай янги қадамлар амалга оширилмаган. Манбага кўра, яқин икки ҳафта ичида ҳам бу борада ўзгариш кутилмайди.

Шу билан бирга, Каталония клуби трансферни май ёки июнь ойида расмийлаштиришни режалаштирмоқда, трансфер ойнасини кутмасдан олдин ҳаракат қилиш эҳтимоли бор. Таъкидланишича, "Барселона" Бастони билан декабр ойидан бери алоқада.

27 ёшли италиялик ҳимоячи жорий мавсумда барча мусобақаларда 37 та ўйин ўтказиб, 2 та гол урган ва 6 та голли узатма амалга оширган.