“Барса”нинг янги футболчиси Фликни ҳайратга солди

“Барселона” ёзги трансферлар ойнаси бошидаёқ трансфер қилган англиялик ҳужумкор футболчи Энтони Гордон бош мураббий Ханс-Дитер Фликда яхши таассурот қолдирди.

Англиялик футболчи бир ҳафта аввал таътилдан қайтди. Barca Universal хабарига кўра, 25 ёшли футболчи “кўк-анорранглилар” жамоаси ихтиёрига аъло жисмоний ҳолатда етиб келган.

Шунингдек, у жамоага тезда мослашиб, мураббий талабларини яхши ўзлаштирди ва шу билан Флик бошчилигидаги мураббийлар штабини ҳайратда қолдирди.

Энтони Гордон “Барселона” томонидан “Ньюкасл2дан 70 миллион еврога сотиб олинди. Трансфер май ойининг охиридаёқ эълон қилинган эди. Ёзда футболчи Англия терма жамоаси сафида жаҳон чемпионатида олтита ўйин ўтказиб, битта гол урди ва учта голли узатмани амалга оширди.