“Барса” юлдузига айланган Рафиньянинг бир ўзи “Севилья”ни тиз чўктирди

Испания Ла Лигасининг 7-туридан ўрин олган «Севилья»  ва «Барселона» ўртасидаги учрашуви Севилья шаҳридаги «Рамон Санчес Писхуан» стадионида бўлиб ўтди.

Учрашувнинг 19-дақиқасида «Севилья» ярим ҳимоячиси Юссуф Фофана ҳисобни очган эди. Бироқ мезбонлар ғалаба тугул, дуранг натижани ҳам ушлаб қола олмади.

Ҳисоб очилганидан уч дақиқа ўтиб, каталонияликлар ҳужумчиси Рафинья ҳисобни тенглаштирди. 52-дақиқада Рафинья учрашувдаги иккинчи голини урди. 69-дақиқада эса бразилиялик футболчи хет-трик қайд этиб, якуний ҳисобни ўрнатди - 3:1.

Испания чемпионатидаги етти учрашувдан сўнг «Барселона» 21 очко жамғариб, турнир жадвалида пешқадамлик қилмоқда. «Севилья» 13 очко билан бешинчи ўринда бормоқда.