“Барса” юлдузи раҳбарларнинг қилган ишидан ғазабда
- 1-феврал, 17:08
- Zohir Toshxo’jayev
- 0
- Футбол
Испаниянинг амалдаги чемпиони “Барселон”нинг энг зўр футболчиларидан ҳисобланган Гавига клуб раҳбариятининг ёш истеъдод эгаси Дро Фернандес бўйича қабул қилган қарори ёқмади.
Гап шундаки, каталонияликлар келажаги порлоқ дея баҳоланаётган Дро Фернандесни “Пари Сен-Жермен”га жуда осон қўйиб юборди.
Mundo Deportivo журналистларининг хабар беришича, “Барселона” ва ПСЖ ўртасидаги келишув расмийлаштирилгандан кейин Гави ғазабга минган. У клуб раҳбарияти Фернандесни жамоада сақлаб қолиш учун етарли ҳаракат қилмаган, деб ҳисоблайди.
18 ёшли Дро 26 январь куни Париж гранди сафига кўчиб ўтди. Келишув суммаси саккиз миллион еврони ташкил қилди.
Фернандес Франциянинг энг қудратли клуби билан 2030 йилнинг июнь ойи охиригача мўлжалланган узоқ муддатли шартнома имзолади.