“Барса” юлдузи балога қолди

Испания чемпионатининг 24-турида сафарда “Жирона”га 1:2 ҳисобида мағлуб бўлган “Барселона” мусобақа жадвалида ашаддий рақиб “Реал”ни олдинга ўтказиб юборди.

Бу учрашувда каталонияликларга сардорлик қилган Френки де Йонг матбуотда кескин танқид қилинмоқда.

The Touchline нашри бир неча манбаларнинг нидерландиялик плеймейкерга берган танқидий баҳоасини жамлаб чиқди.

Marca:

Френки де Йонг тўпга эгалик қилишдан ҳеч қандай фойда чиқара олмади, унга ижодкорона ёндашув етишмади.

Mundo Deportivo:

Биринчи ўринни қайтариб олмоқчи бўлган жамоага яққол етакчи етишмади. Френки де Йонг оддий паслар беради ва ҳимояда ишончли ўйнай олмайди.

Sport:

Френки де Йонг фақат “Барселона” тўлиқ устунлик қилган учрашувларда яхши ўйнайди, лекин мувозанат бузилган пайтларда қийналади ва унинг заиф томонлари яққол кўриниб қолади.